मोठी बातमी:दहावी – बारावी लेखी परीक्षांचे वेळापत्रक जाहीर
निर्भय न्यूज लाईव्ह: पुणे प्रतिनिधी
बारावीच्या परीक्षा १२ फेब्रुवारी पासून, तर दहावीची २१ फेब्रुवारीला सुरू होणार.
महाराष्ट्र राज्य माध्यमिक आणि उच्च माध्यमिक शिक्षण मंडळातर्फे फेब्रुवारी – मार्च २०२५ मध्ये होणाऱ्या दहावी – बारावी लेखी परीक्षांचे अंतिम वेळापत्रक जाहीर झाले आहे. यापूर्वी जाहीर केल्याप्रमाणे दरवर्षीच्या तुलनेत दहावी – बारावीच्या परीक्षा लवकर होणार आहे.
पुणे, नागपूर छत्रपती संभाजीनगर ,मुंबई ,कोल्हापूर अमरावती, नाशिक, लातूर आणि कोकण यांना विभागीय मंडळातर्फे आयोजित करण्यात येणाऱ्या दहावी बारावीच्या लेखी परीक्षांचे संभाव्य वेळापत्रक मंडळाच्या अधिकृत संकेतस्थळावर यापूर्वीच उपलब्ध केले होते. या परीक्षांचे सविस्तर अंतिम वेळापत्रक मंडळाच्या www.mahahsscborard.in संकेतस्थळावर उपलब्ध आहे.
परीक्षेपूर्वी माध्यमिक शाळा, कनिष्ठ महाविद्यालय यांच्याकडे छापील स्वरूपात दिले जाणारे वेळापत्रक अंतिम असणार आहे. त्या छापील वेळापत्रकावरूनच परीक्षेच्या तारखांची खात्री करून घ्यावी, त्यानुसार विद्यार्थ्यांनी परीक्षेत तयार राहावे. अन्य कोणत्याही संकेतस्थळावरील किंवा अन्य यंत्रणेने छफाई केलेले, तसेच व्हाट्सअप किंवा तत्सम माध्यमातून व्हायरल झालेले वेळापत्रक ग्राह्य धरू नये, असे महाराष्ट्र राज्य माध्यमिक आणि उच्च माध्यमिक मंडळाचे सचिव देविदास कुलाळ यांनी सांगितले आहे.
बारावीची प्रात्यक्षिक श्रेणी, तोंडी आणि अंतर्गत मूल्यमापन तसेच ”NSQF ‘अंतर्गत व्यावसायिक अभ्यासक्रम प्रात्यक्षिक परीक्षा २४ जानेवारी ते १० फेब्रुवारी दरम्यान होणार आहे.
